Əsəb 2…
Pəncərədən baxdığım anda gördüyüm qar haqda düşünərkən ağlıma gələn onun 6 guşəsinin yadıma saldığı riyaziyyat fənnindən nifrət edən cəmiyyətin bir parçası olduğumuzu unutmayan gəncliyin görəcəyi işlər sırasına şəhidliyi əlavə etməsindən sevinən bir qrup vətənpərvər 20 yanvar günü soyuq havada 22 il əvvəlki faciənin qurbanlarını yad etməklə əslində o qədər də unutqan olmadığımızı sübut etmək istərkən vətənpərvər ruhumuzu oyadan başqa bir hadisənin cərəyan etməsini diləyən mən və mənim kimi digər insanların 2 gün sonrakı vəziyyəti heç də bu cür olmadığını bizə başa saldıqda keçirdiyim utanclıq hissindən kənara çıxa bilmədiyim üçün elə o hislə yeriyərək 4 kilometr yol getdiyimi hiss eləməyərək evə çatdığımda xəbərlərdə Fransanın etdiyi hərəkəti eşidərkən “Budur, danışmağa təzə mövzu tapıldı” proqnozunu verdiyim anda Facebooka girdiyimdə proqnozumun düz olduğunu bildiyim dəqiqə daha internetdə qala bilmədiyimdən TV qarşısına keçmək qərarını verdiyim halda da bu dəfə Hacıbala Abutalıbov cənablarının etdiyi çıxışı və dediyi “Qoşqu” sözü mənə bu ilin Facebook adamının məhz bu cənabın olacağını hiss etdirərkən marağımı oyanmasına görə girdiyim internet aləmində dediyim kimi çıxdığını görmək qürur verdiyindən bu barədə ağız dolusu statuslar yazmaq istəsəm belə “hamı kimi olmamaq” fikri o istəkləri basdırdığı üçün bir neçə günün keçməsini gözləyərək və bu hadisələri başqaları unutmağa başladığı anda post yazmaq eşqinə düşərək əvvəldə yazdığım kimi pəncərədən gördüyüm qara baxmağı dayandırıb İlham pərimi yanımda götürərək əziyyətini çəkərək və siz tərəfdən bəhrəsini görəcəyimə ümid edərək girişdim bloqa.
Ceyhun Qurbanov
hahah))) ejdahasan
Çox sağol ilkin)) bacardığım qədər))
maraqli yazi idi ugurlar
Çox sağolun Rafiga xanım) sizə də
oxuyub qurtarana kimi eseb oldum
Məqsədimə çatdım deməli)