Bu post sırf həmin o oğlana həsr olunmur… O oğlan kimi fikirləşənlər çox heyif ki, hələ də çoxluq təşkil edir. Bəziləri Facebook-da tanıdığı qızı istəyirsə, ona Face-dən çıxma şərtini qoyur, ya da bacısına Face-də görürsə evdə hay-şüvən qopardır. Ya da Facebook-da olan bütün qızlara pis gözlə baxır…

Facebook universitet kimi bir şeydir. Demək olar ki, ictimai yer. Buranı hamı öz məqsədi üçün istifadə edir. Universitetə oğlanların bəzisi oxumaq üçün, bəzisi yeni dostlar üçün, bəzisi isə qız tutmaq üçün girir, bildiyimiz kimi oğlanlar 1-ci kursda ən çox qrupda neçə qızın olmasıyla maraqlanırlar. Qızlar da həmçinin, hər cürəsi var universitetdə. Yaxşısından tutmuş …-a kimi. Bu o demək deyil ki, universitetdə yaxşı qız oxumaz… Facebookda da həmçinin… Hamı buranı öz məqsədi üçün istifadə edir. Tanıdığım qızların 90 faizi əlaqə vasitəsi kimi bu şəbəkənin imkanlarını mənimsəyir. Demirəm, Face-də hamı mələkdi, xeyr, universitetdə olduğu kimi burda da good-to-bad-dir.

Əslində isə bu cür beyni geridə qalıb ancaq 18+a işləyən oğlanlarda isə başqa bir səbəb də ola bilər ki, onlar bu cür düşünməyə məcburdur. Bildiyimiz kimi, Zero Facebook açılandan sonra kütləvi “nöyüt” axını oldu Facebook-a. Həmin bu “nöyüt”lərin əvvəlki tinləri çatlar olduğuna görə, Facebook-u da çat kimi istifadə edirlər. Və gözlərində burda olan qızları da həmin Çatitsaların yerinə qoydular. Amma Facebook-un imkanlarından hərtərəfli istifadə etsələr görərlər ki, çat başqa bu başqa…

Nə isə, bu mövzu bitən deyil, “ağıllı” çıxanlar elə həmişə belə qalacaq. Biz qızları Face-ə görə qiymətləndirmirik. Dostluğumda olan hər bir qıza hörmətim sonsuzdur. Kimdə bu belə deyilsə, ona day başqa sözüm yoxdu.

Kaynak – www.hepimizhocalili.com

Bunlara görə qarı sevməyənlər bir mənada haqlıdırlar. Problem gətirən bir şeyi necə sevə bilərlər axı? Qarı sevməkçün gərək ifrat optimist ya da başdanqrija olasan mənim kimi. Hə, mən də sevirəm qarı, elə bilməyin ki, Antalyada oturub postu yazıram və bu problemləri yaşamıram. Xeyr, Badamdardayam, dağın başında. o problemlərin 5 qatı elə biz tərəfdədir. Amma ki, dediyim kimi, başımda qrija var

Qarı niyə sevirəm bilirsiz? Çünki, ona görə yaranan buzun üstündə başqaları sürüşərkən mən qaça-qaça gedirəm və bu mənə xüsusi zövq verir. Mənə elə gəlir ki, sanki onlar “Aydaaa, necə gedir bu görəsən?” deyirlər Bilirəm, belə demirlər, amma bu cür düşünməyim mənə verdiyi həzzi sevirəm. Tək səbəb bu deyil təbii ki, qar mənə uşaqlığımı xatırladır. Etdiyim şitlikləri xatırladır. Amma o şitliklərimi də sevirəm, ən azından səhvsiz edilmiş şitliklər idi. Ancaq indikilərimdən danışmasam yaxşıdır. Son ildə eləmədiyim səhv qalmadı. Nə isə, mövzudan çox da uzaqlaşmayım…

Qarı həm də mənə Allahın qüdrətini xatırlatdığı üçün sevirəm. Zarafat eləmirəm, qar yağan kimi onun 6 guşəsi yadıma düşür. Bu 6 guşəni düşündükcə, onların hamısının fərqli olduğunu, eyni zamanda milyonlarla qar dənəsinin kilometrlərlə yol getməsinə baxmayaraq yapışmadığını düşündükcə göz yaşlarım üzümü isladır. Allahın qüdrəti ağlıma girdikcə içimi xüsusi xof bürüyür, məni günahlardan çəkindirir. Qarın mənim həyatımda buna görə rolu bir mənada böyükdür.

Ayrıca, qar olmasa bizi nə qədər xəstəliklərin bürüyəcəyini də bilirəm. Yazıq qar neynəsin? Bərəkətdir, yağır üstümüzə, Bakı ŞİH-in yarıtmazlığının cəzasını niyə qar çəkməlidir? Təsəvvür edin, 2 il dalbadal qar yağmasa nə olar? Bakıda bəlkə də heç nə, uzağı xəstəlik, amma ölkə əməlli-başlı qıtlıq hökm sürər. Ona görə qara görə şükr edin, onsuzda 3 günə əriyir. Qarabağ probleminə 20 ildi dözürsüz, 3 gün qara görə heç nədir.

Əllərim üşüyür, sərçə barmağımı ümumiyyətlə hiss eləmirəm. İstəyirəm ilk dəfə natamam post yazım. Bu qədər…

Yaxşı day zarafat eliyirəm, getmiyin bura qədər oxuduz axıracan oxuyun heç olmasa Özümü tərifləməkdən bezmirəm. Hə, məhz bayaqdan danışdığım insan elə özüməm. Hihihi Amma bu yaşın gəlməyi məndə ayrı cür hisslər yaratdı… Əvvəllər məndən “neçə yaşın var?” deyə soruşulanda dediyim 1-lə başlayan rəqəmlər mənə “hələ uşaqsan” deməyə məcbur edirdi, xüsusi məsuliyyətsizlik verirdi mənə. Bu gün isə 20 yaşıma girdim. Artıq yaşım 2-lə başlayır. Bu mənə çox böyük gəlir… Hələ hazır deyiləm böyüməyə. İstəmirəm böyük olum Nə qədər sevincli olsam belə bu böyümək hissi məni çox sıxır…

Eeee… Daha pis ya qəmgin nəsə yazmayaacğam… Hədiyyə almağı heç sevmirəm… Mənəvi hədiyyə almaqdan ötrü isə ölürəmee konkret Kstate, bu gün ilk belə hədiyyəmi aldım, daha doğrusu hədiyyəm dünən gəlmişdi, amma özüm bu gün açdım Çox sağol deyirm sənə ki, məni bilmədiyin qədər sevindirdin, səhər tələsə-tələsə əl-üz yumamış Facebooka girdim ki, görüm təbrikin gəlibmi deyə, gördüm gəlib və yupiiiiii

Bir də, dünən həyatında bəlkə də ilk dəfə xəsisliyinin daşını atıb mənə McDonalds-da qonaqlıq verən canbratım Nurlana təşəkkür edirəm… Ölmədik bu günü də gördük

Postdan hiss elədiz də yəqin, mən hələ böyüməmişəm… Elə bunu deyirdim…

P.s… Bu gün mənlə eyni gün ad günləri olan Dostlarım Yusif, Orxan və Gülşəni də təbrik edirəm. Eyni zamanda həyatımın bir parçasına çevrilmiş təşkilat olan İrəli İB-in sədri Millət Vəkili cənab Ceyhun Osmanlını da təbrik edirəm. Hamımıza uğurlar!!!

Bu mahnını da özümə həsr eliyirəm…

İnsan həyatı boyu məqsədlərini genişləndirir, bir əldə etmək istədəyini əldə edən kimi, daha yaxşısıını arzulayır. Bu təbii ki, məndə də belədir. 20 ili o qədər də maraqsız keçirməmişəm. Etdiklərimin bəziləri çoxları tərəfindən edilməyən şeylər olub. Amma çoxlarının elədikləri, mənimsə eləmədiyim şey daha çoxdur… Nəsə bu yazıda çox “şey” olacaq Kimin beyni nəyə işləyirsə, o cür də başa düşəcək. İndi isə, heç etmədiyim, ölmədən etmək istədiyim şeyləri yazacağam… Bəlkə maraq oyada bildim Belə ki, bu da siyahı…

1. PlayStation3 oynamaq
2. Bowling oynamaq
3. Bilyard oynamaq
4. Tennis oynamaq
5. Paintball oynamaq
6. PES2012 diskini almaq
7. Hər hansısa fəndən ümumi 100 bal almaq
8. Xarici pasport almaq
9. Kiməsə gül almaq
10. Park Bulvardan nəsə almaq
11. Facebookda 100 dənə “like” almaq (mırta)
12. Neftçinin formasını almaq
13. Parkda gecələmək
14. Meşədə gecələmək
15. Oteldə gecələmək
16. Varisin “Sonuncu ölən ümidlərdir” kitabını oxumaq
17. Küçədə ucadan mahnı oxumaq
18. Karaokedə oxumaq
19. 3D, 4D, 5D, 6D, 7D Cinema-ya getmək
20. Kinoteatra getmək
21. Çempionlar Liqası çərçivəsində Fənərbağçanın oyununa getmək
22. Sevdiyimin əlindən tutub gəzmək
23. Rus, ingilis dillərini öyrənmək
24. Kompyuteri format eləməyi öyrənmək
25. Heç kimin bilmədiyini öyrənmək (necə olacaqsa)
26. Yolda tanımadığım birini yalandan qucaqlayıb sonra “səhv düşmək”
27. “Tarqovı”da McDonald`s-ın qabağındakı Zontikli heykəllə şəkil çəkdirmək
28. Bu şəkili çəkdirib, yalandan “heç vaxt o heykəllə şəkil çəkdirmərəm” demək
29. Bakıda cinsindən, dinindən, milliyyətindən asılı olmayaraq xarici dost “tutmaq”
30. Polislər nəyəsə görə yaxınlaşsa onlara qayda-qanun başa salmaq
31. “Kurtlar Vadisi”ndə oxunmuş “Asiye” türküsündə zilə qalxmağı bacarmaq
32. Sənin bunları oxumağın üçün əlimdən gələni eləmək

Təbii ki, arzularım, məqsədlərim bunlarla məhdudlaşmır… Bunlar sadəcə maraqlı olan istəklərimdir İnşaAllah bunları yavaş-yavaş həyata keçirərəm. Sizin belə arzularınız varsa çəkinməyin, yazın getsin…

Dediyim kimi, çox ağırdır. Hətta müxalif partiyaların dövlətdən pul istəməsi qədər, 6 nəfər 16 yaşlı amerikan uşağın bir çinli yaşıdını ölümünə döyməsi qədər, Facebook-da bir qızla mesajlaşarkən mesajı yazıb qutarmamış bloka atılmağım qədər, tank qədər, mənim yatan vaxtı olan xasiyyətim qədər, Vaqif Cavadovun puç çıxan transferləri qədər, futbol vaxtı kanalların koda düşməsi qədər ağırdır… Bu etirafdan ağır yalnız dostdan istənilən üzr ola bilər, day başqa heç nə…

Bilirəm, indi əsəbisiz hələ də etirafı görmədiyiniz üçün. Nə edim axı, inanın ki, bu vəziyyətə siz də düşsəydiniz belə olardı. Necə ki, indi özüm bu vəziyyətdəyəm… Amma ki, necə olsa da, sonu yoxdur, gərək mütləq deyim… Mənə inanıb etibar edən həmfikirlərim mənnən inciməsinlər. Başqa çarəm yoxdur. Çətin olsa da deyim. –>

P.S… Linkə girməyin, üstünə tutsaz bəs edər…

Bu profil şəklini İrəli İB-nin ad günündən fevralın 2-si – Gənclər gününə qədər müddətdə seçmişəm, bir tərəfdən cavabım belə olar ki, yaxşı eləmişəm, öz işimdir, özüm bilərəm. Nə məndən bunu xahiş ediblər, nə də ki, mən bunu hansısa məqsədə, hansısa “qabağa gedim” fikrinə görə qoymamışam. İrəli İB-ə nifrət edirsiniz, özünüz bilərsiniz, amma onları təhqir edirsinizsə, bu artıq sizin mədəniyyətinizin bariz nümunəsi kimi çıxış edir. “Hamımızın bir düşməni var” şüarını unudub da guya ki, xalqımız üçün çalışanlar, İrəli İB-nin 20 mindən artıq üzvünü təhqir edir. Bu da onların xalqına göstərdiyi hörməti aşkara çıxarır. Polemikaya girişəndə isə “mənim sənlə problemim yoxdu, sizin sədriniz və katibinizlədir” deyirlər. Bu anda isə artıq öz ideologiyalarını şəxsi maraqlarına qurban vermiş olurlar.

Mən özüm belə İrəlidəkilərə şəxsi münasibətə görə yanaşmıram. Digər postumda da qeyd etdiyim kimi, mənim də İrəliyə münasibətim bura qoşulmamışdan çox mənfi idi. Sonradan onların içində olmaqla oranı özümdə kəşf etdim. Və bundan sonra da məni həmişə İrəliçi kimi görəcəksiniz.

İstənilən fəaliyyət sahəsində iki cür obraz olur: Yaradıcılar və tənqidçilər. İrəli İB yaradıcı olaraq yeni-yeni layihələrlə cəmiyyətin inkişafında öz izini qoyur. İnsanlar tərəfindən qəbul edilir, ön pillələrdə yerlərin sahibinə çevrilirlər. Digər birlik və təşkilatlar isə hər hansı bir böyük layihə hazırlamır, əvəzində isə İrəli İB-nin təşkil etdiyi layihələrə mız qoymaqla gündəmdə qalır, nəsə iş görmüş olurlar. Necə deyərlər, “çörəyi İrəlidən çıxır”

Bundan əlavə, digər cəbhənin, hansılar ki, bizə nifrət edir, üstdə duranları insanlara hörmət qoymamaqları, saymamaqları, özlərini “Bill Geyts” yerinə qoymaqlarının şahidi olmuşam, halbuki etdikləri danışmaqdan başqa da bir şey deyil. Ancaq yenə tərifləmək kimi olsa da, olmasa da deyim ki, bizdə üzv-rəhbər anlayışı ancaq rəsmi olaraq qalır, nə özünü dartan var, nə də Everestin kəlləsinə çıxan. “Gənclərə verilən tam azadlıq” deyilən məfhum da ancaq bizdədir. Yapçı gəncləri sıralarına almayan siz, mənim kimi YAP-a nifrət edən birini öz sıralarından kənara çıxmağa qoymayan isə İrəli İB. Ümid edirəm ki, ambissiyalarınızı az da olsa kənara qoyub, haqqa tərəf üzünüzü çevirərsiniz və öz işlərinizlə məşğul olmağa başlayarsınız. Bütün gənclərimizə, olduğu yerindən asılı olmayaraq hörmətim sonsuzdur, belə də qalacaqdır. Heç vaxt provakasiyalara uymamışıq, bundan sonra da dəyişən bir şey olmayacaqdır. Bu qədər…

Bu aforizm və atalar sözlərini elə-belə yazmadım. Üçü də elə bil mənimcün yazılıb, deyilib. Birinin etibarını itirmişəm, verdiyim sözə xilaf çıxmışam. “Bir də belə olmayacaq” dediyim halda bir də elə eləmişəm. İncitmişəm, qırmışam, o vəziyyətə qoymuşam ki, üzümə baxmağa belə iyrənir Mən də üzünə baxa bilmirəm, iyrəndiyimdən deyil, utandığımdan. Üzr belə istəyə bilmirəm… Əslində buna layiq də deyiləm. Bağışlanmayacaq biriyəm. Daha heç vaxt heç nə əvvəlki kimi ola bilməz, çünki mənə daha inanmaz. Mən olsam mən də inanmazdım. Demişdi peşman olassan, inanmamışdım, doğruymuş. Peşmanam, hə nolsun? Nə dəyişir ki? Heç nə. Sadəcə aciz birinin özündən daha aciz etirafıydı bu. Bu qədər, başqa heçnə. Üçüncü atalar sözü də ki, aydındır artıq, izah eləmək lazım deyil.

Üzr istəyiram. Amma bağışlanmağımı istəmirəm. Hər kəs layiq olduğunu görməlidir. Mənim layiq olduğum məhz sənin olduğun yerdə üzünə baxmağa utandığıma görə baxdığım divarlar, ağaclar, başqa insanlar, yer və göydür. Heyif ki, bu cür elədim.

Bəli, çox qırmışam dostlarımı, çox istədiklərimi. Bəzən səbəbsiz, bəzən kiçik bir səbəbdən, bəzən isə çox mənasız bir bəhanəylə qırmışam. Bəzən əsəbləşib, bəzən isə əsəbləşdirib qırmışam. Amma onu bilirəm ki, çox tez, heç fikirləşməmiş qırmışam dostlarımı. Sonradan çox da peşman olmuşam, amma heyif ki, mənim günahımdan qırıldığım insanlardan üzr istəyə bilmirəm, bunu çox istəsəm belə. Bilmirəm, qürurmu icazə vermir, amma xətrinə dəydiklərimin üzlərinə belə baxa bilmirəm. Bağışlanmağa çox ehtiyacım var

Bu yazımla onu demək istəyirəm ki, dostlarınızı, çox istədiklərinizi bir şeyə görə qırmayın. Bəlkə də o an özünüzü haqlı sayacaqsınız və ən doğru qərarın bu olduğuna əmin olacaqsınız, lakin sonradan mənim kimi həmin o qırdığınız və çox istədiyiniz insanı görəndə çox pis olacaqsınız… Və mənim kimi peşmançılıq hissinin əsiri olacaqsınız